Не істеу керек

Қазақстан Республикасының дипломатия өкілдігіне (елшілік, консулдық, дипломатиялық миссия, ресми өкілдік) барыңыз. 

Ондағылар сізге елге қайту туралы куәлік береді. Соның көмегімен үйге орала аласыз. Ал төлқұжатты Қазақстанға келгенде — тұрып жатқан ауданыңыздың Халыққа қызмет көрсету орталығына барып қайтадан жасатсаңыз болады. 

Қайту туралы куәлік алғым келеді дегендер не істеуі керек: 

1. Құжатым жоғалды деп өзіңіз тұрған елдің полициясына арыз түсіріңіз.
   
   
2. Дипломатиялық өкілдікке хабарласып, қайту туралы куәлік алу туралы өтініш жазыңыз. 3,5×4,5 суретіңіз бен төлқұжатыңыз жоғалғаны/ұрланғаны туралы полиция анықтамасын көрсетіңіз.
   
   
3. Консул алымын төлеңіз. Бұл сома әр елде әртүрлі болады. Ресейде, мысалы, 570 рубль (шамамен 3 200 теңге) тұрады. 

Кеңес: Шетелге барарда жеке куәлігіңізді де ала кетіңіз. 

Жаныңызда жеке куәлігіңіздің не туу туралы куәліктің түпнұсқасы болса, қайту туралы куәлік бір-екі күнде дайын болады. Болмаса, арнайы анкета толтырып, шамамен он жұмыс күні күтуге тура келеді. 

Қайтуға арналған куәлік тек бір жылға беріледі. Сондай-ақ оны Қазақстанға келгеннен кейін тұрғылықты ауданыңыздың полициясына тапсыруға тиіссіз. Ұмытып кетпеңіз :)